花曼帶挈大除夕連踩兩騷 王君馨用視像同老公過年

撰文:
最後更新日期:

王君馨第一次走兩場做倒數騷,她感謝《城寨英雄》花曼的人氣,亦多謝編劇嘅功勞。(林通賢攝)

《城寨英雄》令王加馨人氣急升,還令她得到不少賺錢機會,今日她就到銅鑼灣出席倒數活動,她說:「我十年來第一次一日有兩個倒數活動,真係要多謝《城寨英雄》花曼嘅帶擘,做完呢到就要去澳門同香香一齊做倒數騷,我一定會問返佢婚禮嘅過癮事。」

王君馨多謝《城寨》效應,不過早前編審在微博發文,指部份藝員沒有在頒獎禮上多謝編劇,王君馨表示只是因為時間問題,她說:「我哋時間其實唔係咁多,所以用台前幕後概括哂,我哋當然記得每一位嘅功勞啦,如果要講晒真係仲有好多人,不過我哋私下真係有逐個感謝,冇佢哋每一個我哋點會成功呢?」至於君馨的老公就身在外地,她要用視像通訊與他慶祝新年,她說:「佢嗰邊慢我12個鐘,我惟有同佢video chat,不過聽朝11點我就同Sherman(鍾舒漫)排舞,但我會記得嘅。」

王君馨將會和鍾舒漫出歌,明天1月1日亦約了對方排舞。(林通賢攝)

王君㿦今日在倒數活動上,又唱又跳,之後更會同鍾舒漫合唱出歌,她說:「呢個計劃諗咗3年,我哋聽日又會排舞,因為好難跳,希望可以俾啲新嘢觀眾,今次我哋自己搵贊助、搵衫,希望做到自己好想要嘅嘢。」

 



X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。