東京奧運│與吳業坤共赴日本做主持 達人周奕瑋:想睇新項目滑板

撰文:洪曉璇
出版:更新:
TVB早前在將軍澳電視城舉辦《2020東京奧運會》記者招待會,(趙允琳攝)

今屆奧運會計劃7月23日至8月8日於東京舉行,香港政府於5月11日宣布,已斥資成功購入東京奧運轉播權,交由5間電視台免費播放,各電視台密鑼緊鼓安排宣傳活動。TVB於6月8日播出奧運宣傳片,公布4位赴日採訪藝人主持名單,分別是方力申、吳業坤、周奕瑋和陳約臨。當中方力申曾代表港隊參加奧運,亦曾於雅典奧運親赴現場採訪;明珠台主持陳約臨精通三語。

東京奧組委6月3日公布今屆奧運會頒獎禮細節,以日本傳統「藍染」的藍色為主色,工作人員身穿的服裝則帶有和服元素,而盛載獎牌的托盤就帶有日式扇子的影子。(AP)

東京奧運│奧運選手轉行做藝人 方力申最成功歐鎧淳曾拍電影

出名是日本通的周奕瑋以及剛在日本完成WORKING HOILDAY返港的吳業坤,分別接受《香港01》訪問。吳業坤表示:「如無意外應該好大機會去,以往奧運自己都有關注,如果今次可以出發做奧運主持,可以話係人生成就解鎖,加上自己學咗日文希望可以學以至用。最期待係空手道,因為自己學緊,同埋係第一年成為奧運項目,希望可以喺現場採訪認識嘅港隊代表Grace Lau,但都要睇返到時情況,希望可以親身接觸採訪。」坤哥所指的Grace Lau劉慕裳,是港隊獎牌希望。她16歲開始代表香港參加空手道國際比賽,是世界頂級的空手道運動員,世界排名長期位居前列,更於2018年世錦賽勇奪銅牌。

吳業坤表示最希望採訪空手道賽事。(IG:@kwangorrrrrr)

點擊睇空手道港隊代表劉慕裳相片:

+5

至於周奕瑋亦表示仍需要觀望:「初步係有呢個方向嘅,但暫時都未Confirm。如果真係去嘅話當然都會特別謹慎小心,自己平時喺香港,無論疫情嚴重定平穩都好小心抗疫嘅,如果真係去嘅話都會更加小心。項目方面,自己留意嘅都係多香港人會留意嘅跳水,體操等。而今屆新項目滑板都會特別想睇,不過自己最鍾意都係睇開幕式,尤其今年喺疫情底下,相信會有個不一樣嘅開幕式。」

周奕瑋期待疫情下東京奧運有個不一樣嘅開幕式。(IG:@jarvischow)

同場加映:東京奧運│奧運選手轉行做藝人 方力申最成功歐鎧淳曾拍電影

+20
+46
+22