逆天奇案｜馮盈盈讚同陳展鵬上錯床一幕拍得非常唯美：傾咗個半月

馮盈盈今晚（11/6）現身電視城出席無綫劇集《逆天奇案》大結局齊齊睇。盈盈表示：「其實我睇返同陳展鵬酒亂性上錯床嗰一幕，講真又拍得幾靚幾唯美喎，而且又冇太多嘅動作而露骨嘅場面發生，咁所以成個場面都拍得幾有藝術成份。（呢場戲網民覺得你好享受！）如果出到嚟大家有呢種感覺，作為演員嘅我，最基本我做到咗。其實呢場戲我同展鵬同監製導演都傾咗成個半月時間，大家都希望拍出嚟觀眾會睇得舒服啲。不過最終拍出嚟嘅效果相當唯美，完全歸功於展鵬諗出嚟。」