【愛．回家】冰冰簡淑兒冇得留低 十仔馬貫東忽然生還
撰文：郭敏玲
出版：更新：
簡淑兒憑住冰冰一角入晒屋，接下來又有劇拍，收獲都唔錯啦～
倒數兩天，《愛．回家之八時入席》就要曲終人散，雖然有網民表示不捨得，但不用擔心，TVB已加快速度，確定即將開拍新一輯處境劇《愛‧回家之開心速遞》。大家都關心有甚麼人腳，分別有劉丹、單立文、湯盈盈及呂慧儀做膽。可惜的是，一向受男網民歡迎的簡淑兒就冇得留低，女神都要退位，甚至在《八時入席》有做兵到變真·將軍的阮政峰都要拜拜，大家一直追看著阿齊同冰冰的愛情故事睇怕都要成為回憶了，真係慘慘豬。
女神都冇得留低，當愛已成往事，我諗係《八時入席》最SAD嘅一件事。
不過，《八時入席》不會完全無得剩，除了湯盈盈，十仔馬貫東本來冇打算自己有份，但幸運地可以留低在《開心速遞》參與一角，不用等足九個月才有劇拍，還有邵珮詩及18歲小鮮肉吳偉豪。至於監製羅鎮岳講到會再用其他新人，名單上面就有今屆最快有劇拍港姐蘇韻姿，以及被江美儀鬧出名的陳浚霆，唔知呢個人腳合唔合你心水？
十仔、冰冰、阿齊，三個只能活一個。