撻出愛火花|「筋斗王」元華曾任李小龍替身 自揭細個百厭玩跳樓

撰文:秦志鴻
出版:更新:

TVB劇集《撻出愛火花》(2000)於近日於深宵劇場時段重播,除了是謝霆鋒唯一一套主演的劇集之外,連功夫高手、「七小福」成員元華亦為此劇刻意去學習柔道,非常有誠意!

元華在劇中飾演「一本柔道館總教練」羅彬,是知名的柔道高手!(截圖)
+5

眾所周知,元華自小就隨于占元學習功夫,與元秋、成龍以及洪金寶等同為「七小福」成員。至長大後更加入電影圈擔任武打演員。而由於元華翻筋斗的功夫非常了得,是圈中知名的「筋斗王」,年青時更曾經在電影《精武門》為李小龍替身,一個筋斗翻過一班和尚的衫袖。

元華亦有參演《龍爭虎鬥》。(網上圖片)

雖然元華自小就隨于占元學習功夫,但元華在學武之前已經非常百厭,多年前在節目《星星同學會》中就曾經透露過自己險死的一次!華哥表示在大約6歲時因為迷上日本片集,繼而模仿超人飛天,豈料就發生意外從9樓飛墮地面:「嗰啲超人行兩三步,提起隻手就飛!細個睇得多就著咗迷,然後整塊床單喺條頸,喺個彈弓床度跳嚟跳去,嗰時啲床又啱啱好泊住張床,之後砰一聲,撞到隻腳,個人就落咗樓!咁就好彩下面有架大貨車,嗰啲米車,有個蓬嘅,咁啱就跌正個蓬,之後就彈咗落地下,即刻起身,冇事,然後即刻走返上樓,驚人捉我去差館!」在旁的曾志偉補允謂:「但你唔好以為佢真係冇事,一個禮拜後,個膝頭哥腫到不得了!」華哥補充說:「咁就去醫院開刀,骨膜發炎!」

其它嘉賓聽後都捧腹大笑!(截圖)

同場加映:撻出愛火花|55歲梁藝齡轉行做福音大使 凍齡有術狀態拍得住當年

+43
+5