有線新聞《過客別墅》變「過夜」 張敬軒cap圖明諷：過夜幾錢？
撰文：林通賢
出版：更新：
有線將軒仔《過客別墅》寫成《過夜別墅》，引來軒仔cap圖。
寫錯字經常出現，小編都不時重複犯錯，不過如果電視出錯就非常明顯，隨時「圖已Cap」成為笑料，昨日就由有線示範，事緣有線播緊軒仔在十大中文金曲片段，當時他唱緊《過客別墅》，但字幕就打上《過夜別墅》，加上螢幕底的滾動新聞又出現「許志安入行30年坦…….」令畫面相當爆笑，軒仔都忍不住cap圖，還在hashtag發揮創意「#有線電視特別呈獻#過夜幾錢#理想酒店個frd#喺打令浴室隔離#歌詞就錯得多了錯歌名都係第一次#許志安入行30年坦承未聽過過夜別墅」有線新聞唔係有線電視最大賣點咩？乜搞成咁呀！
軒仔雖然已升上神枱，不過仍然貼地，單看他寫的hashtag就知。