單文柔超迷戀陳展鵬:我心目中嘅偶像依然係陳展鵬

撰文:陳芷穎
出版:更新:

陳展鵬(煎Pan)和單文柔(Phoebe)今日(7日)以夫妻檔現身上環出席時尚品牌周年活動,Phoebe接受《香港01》訪問時表示很開心終於有機會與老公着情侶裝:「本身都唔慣着情侶裝,但都想有啲互動同得意啲。所以出街都會大家一齊牛仔Look或者同一個顏色,感覺開心又唔太刻意。今日好開心,可以名正言順有張情侶裝相。」身旁的煎Pan笑言:「畀咗個機會佢添。」

陳展鵬、單文柔非常享受夫妻檔出席商演活動。(陳順禎攝)

有消息指TVB劇集《隱形戰隊》原定由陳展鵬出演男主角,最後卻換上了馬國明,煎Pan說等待公司安排並會演好每一個角色:「其實一路都安排緊啲劇點分配,而家都開緊《童時愛上你》,要分配角色,呢啲都係公司安排,每一個角色我都會盡最大努力去演好。」他續指沒有因為公司的調動而不開心:「自己心態都OK,又冇話唔開心,件事都係良性。觀眾一直支持我,唔會突然間因為公司嘅安排或者調動,而影響到陳展鵬喺佢哋心目中,只要盡力演好每一個角色去報答佢哋就OK。」

聽到老婆狂讚自己,陳展鵬真係好開心。(陳順禎攝)

另外,最近名為「我老婆嫁左比Mirror導致婚姻破裂關注組」的Facebook群組掀起熱烈討論,Phoebe坦言有留意並覺得好好笑,不過自己就沒有因為追星令婚姻破裂的問題:「我有入去望過覺得幾有趣,但我心目中嘅偶像依然係陳展鵬,所以冇呢個問題發生,我細細個就睇佢,以前睇佢啲劇幾鍾意,覺得佢幾靚仔,跟住就慢慢鍾意,我嘅偶像係陳展鵬。幫你開一個關注組,不過改咗你個名。」煎Pan立即甜笑指:「呢啲娶得過,開心,不過佢講由細睇到我大就哽哽哋。」

你可能感興趣