安德尊薛家燕拍飲食節目 大王唔怕同鼎爺比較

撰文:
最後更新日期:

大王安德尊、薛家燕、裕美、翟威廉、張美妮今日於銅鑼灣為無綫節目《區區添食團年飯》進行拍攝。今次大王身旁不再是李錦聯而是換上家燕姐,鬥嘴當然唔少得。大王則指家燕姐經常有彈無讚,「佢好多嘢講,成日對我地有意見。但其實家燕姐已經食盡天下,有好嘢食一定要請教對方。」而他亦有留意最近掀起話題的《鼎爺廚房》,並指自己好佩服鼎爺的廚藝!

安德尊、薛家燕、裕美、翟威廉、張美妮今日就X先同大家拜個早年。

裕美同家燕姐係現場就被大王安德尊笑指係兩姊妹。(黃國立攝)

自言好鍾意食嘢的家燕姐表示拍節目要一日食六餐,就話唔過癮,皆因「我地唔可以食得太飽,所以每次都食一口啖,其餘就俾工作人員幫手。」到就快到農曆新年,家燕姐透露原本年初一要到內地接騷,但後來就取消了,點解呢?原來係家燕姐家中的仔女邀請媽咪一齊去旅行,「佢地同我講,媽咪不如我地新年一齊去旅行啦。我地考慮三亞,台灣或者越南,睇下邊度可以訂到機票。」

而今次擔任嘉賓的裕美就透露即將推出新書《裕美一個人的精彩》,講明係一個人嘅精彩,當然是講裕美去年六月離婚後的心路歷程,「我本身係一個依賴性好強的人,做什麼都要有人陪。但離婚後我開始嘗試一個人行山,發覺一個人行動會更瞭解自己的內心。」講到現時的感情狀況,裕美就抱隨緣態度,「都有追求者,但我想宜家嘗試下一個人生活先,我都想快點可以生小朋友,唔想拍散拖。」



請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Microsoft Edge 或 Safari。為避免使用網頁時發生問題,請確保你的網頁瀏覽器已更新至最新版本。