香港小姐2021︱大熱陳聖瑜有包袱怕被爆黑材料:唯有平常心面對

撰文:吳子生
出版:更新:

大熱侯選港姐「花女」陳聖瑜(Yvette)今日(10/7)現身尖沙咀到訪纖體中心為《2021香港小姐競選》宣傳。提到選美過程艱辛,身形容易走晒樣,Yvette表示:「其實我真係好驚㗎!因為你瘦係冇得控制話瘦邊度就邊度。(最驚瘦邊度?)我諗喺一啲唔好咁瘦嘅地方,哈哈!(即係邊度?)你覺得呢!哈哈!(怕唔怕被爆黑材料?)所以咪等到而家先參選,其實我一路都冇呢個勇氣企出嚟嘅。(黑材料搞點晒?)其實如果佢哋要爆都已經爆咗出嚟,報道亦出埋。(唔係!到你入決賽先將你黑材料爆出嚟!)係嘅咩!唯有平常心面對。」