香港小姐2021|何依婷入營做師姐 羨慕佳麗身形:我希望可以高啲

撰文:林迅景
出版:更新:

《香港小姐2021》28位入圍佳麗將於明天正式入營,進行為期10日的挑戰,10日內更可能有若干佳麗被淘汰,「玩法」十分刺激。今日(12/07)28位佳麗以及5位歷屆香港小姐亦有出席記者會,2017年港姐何依婷亦有份擔任訓練營的「師姐」,問到有什麼心水時,她就說:「印象好深刻有個特別高!」還表示十分羨慕。

何依婷笑說可以一邊擔任訓練營的「師姐」,一邊度假。(陳順禎攝)

何依婷表示大會亦已為她安排了一間獨立房間,方便在拍攝完後休息。她說:「我希望可以住得晒咁多日,可以同自己組嘅佳麗並肩作戰。」她還表示,自己也有一點私心,因為可以順便度假:「呢度好靚!仲可以打吓卡,影吓靚相都好呀嘛,係咪?」

何依婷好靚。(陳順禎攝)

問起有什麼心水佳麗,她就說:「第一次見晒咁多個真人,我覺得她surprise,因為咁多個都好靚,質素都好好。印象好深刻有一個女仔特別高。(混血兒施茉莉?)係呀,因為佢身形好高大,喺一班女仔入面突出啲。」羨慕她的身高?她笑說:「係呀,我都希望可以高啲,唉,好可惜高唔到。」

何依婷羨慕身形高大的佳麗。(陳順禎攝)

何依婷認為,香港小姐的準則需要大方,得體和舒服。記者問:「好似妳咁?」她說:「因為我係同曹敏莉一組,就好似佢咁先得。」即是不要以妳為榜樣?她就:「我係friend嚟嘅,係負責同大家舒解壓力,精神緊張。」

《香港小姐2021競選》28位入圍佳麗。(陳順禎攝)
施茉莉好高。(陳順禎攝)

同場加映:何依婷又有性感戰衣! 重溫入行四年每件靚衫套套都令人心心眼

+25

同場加映:香港小姐2021|亞軍靚過冠軍定律係真? 數返近20年又好似有道理

+37
發表評論...