盛舞者｜Timothy自願出局爆喊 王君馨全隊以街霸造型上陣勁吸晴
撰文：鄺鈺瑩
出版：更新：
Timothy決定離隊，隊員大感不捨。
無綫真人Show《盛‧舞者》，昨晚（12日）播出一集講到麥秋成率領的「TX Crew」因輸了Crew Battle要Foul人，最終早前在節目中透露自覺唔夠班的孖8徒弟Timothy，主動要求離隊成就大局。
關嘉敏（右）及Odi表現傷心難過。
秋成透露原本他的選擇並非Timothy，並直認失望：「我畀咗三次機會，佢都話要走…一個團隊要繼續行，心態好緊要，我知道佢係自我犧牲，但有時候要進步係要自己爭取。」Timothy則直指不想拖團隊後腿：「我覺得自己跳得唔夠好，缺乏自信，影響咗整體表演同分數，我太內疚。我覺得我離開大家可以行得更加遠，始終有一個人要走。但我承諾我自己，喺跳舞上一定繼續進步！」之後更哭著大叫：「我真係好鍾意跳舞。」秋成及其他隊員聞言亦表現傷心，眾人最後相擁落淚，場面感人。
今晚播出一集，君馨隊全隊以街霸造型上陣，大有潛質成為新一輪贏家！
經過一輪激烈對決後，節目組帶了一眾參賽者到饒宗頤文化館欣賞中心思想為「DANCE FOR LIFE」的舞蹈表演，希望眾人可從而有所啟發。整場表演中，以雙人鋼管舞及輪椅舞最為精彩感人；輪椅舞表演者Cindy事後發表感人言論，直指舞蹈可衝破身體限制：「只要鍾意跳舞，就可以踏出嚟一齊享受。我覺得舞蹈隨心，聽到音樂自然就會郁。」
饒宗頤文化館舞蹈表演_輪椅舞。