莊思明透露楊明未受案件影響心情:始終要面對

撰文:陳曉毅
出版:更新:
莊思明出席網購節目直播,她透露熱愛網購,亦喜歡搜羅價格優惠的產品。(陳順禎攝)

莊思明(Lisa)今日(14日)現身荔枝角出席網購節目直播,Lisa接受《香港01》訪問時透露熱愛網購,亦喜歡搜羅價格優惠的產品:「我會睇下有咩抵買先買,唔會亂咁買嘢,最鍾意買嘢食同化妝品。會揀啲同佢(楊明)都鍾意食嘅嘢,我哋兩個口味好似,都鍾意食辣同濃味嘢。」

楊明不小心駕駛案8月尾續審,Lisa透露阿楊情況OK,至於有沒有擔心,她就指不能說太多:「呢方面就唔講太多,件事仲Ongoing緊,唔方便講太多,多謝大家咁關心佢。工作會繼續,我哋唔會俾件事影響太多,始終都要面對,自己調整心態會樂觀啲、正面啲。」

Lisa目前正拍攝邵氏新劇《廉政狙擊》,而楊明則休息中。作為女朋友,Lisa說不用特別開解楊明:「我哋明白大家心入面係點就Ok,未來就要做咗嘢先,儲多啲錢,舊年疫情工作少咗好多,搵錢少咗,主力搵返多啲錢。(有冇作最壞打處?)吓,我哋冇諗。」

楊明不小心駕駛案8月尾續審,Lisa透露阿楊情況OK。(陳順禎攝)