大叔的愛|Anson Lo與Edan期待拍續集:希望到時可以sweet吓

撰文:鄺鈺瑩
出版:更新:
Anson Lo預告星期五會開Live同大家睇結局。(葉志明攝)

Asha徐㴓喬為「拆散」田牧情侶認錯:係梓芊衰!

大叔的愛 | 簡慕華開心終有代表作:好耐冇一家大細追劇,好感動

《大叔的愛》本周進入結局篇,劇中演員Anson Lo(盧瀚霆)、Edan (呂爵安)、黃德斌等人今晚(14日)齊齊出席宣傳活動。對於劇集成ViuTV開台以來收視最高的作品,Edan自覺非常幸運可以成為主角之一,他說:「因為佢本身係劇本、話題性都好都完善,所以就更易吸引觀眾睇。」而Anson Lo則謂:「好多謝有睇嘅觀眾,同埋佢哋每次睇完都會討論好多嘢,同埋喺各大又或者我哋嘅社交媒體留言,成件事好有互動,好似同大家睇咗場戲咁。」問到會否藉此各公司要求加薪,Edan笑言怕提出要求後公司之後唔再搵自己,Anson Lo表示劇集籌備了很長時間,所以好應多謝公司安排自己興Edan做主角。

Edan因劇集而被封為「渣田」,他指觀眾投入都係好事。「不過我自己睇都有咁嘅感覺。」(葉志明攝)

對於有傳開拍電影版,二人都表示「未有呢個消息,好想有呢個消息。其實拍完《大叔的愛2》再拍電影版都唔係唔得架,電影完又再《大叔3》都仲得,拍到變阿爺,長青劇咁。」Edan表示日版的續集是洗牌重來,他希望如果港版續集是可以延續。「希望可以sweet吓,見到好多觀眾話唔夠sweet 。」Anson Lo亦希望每條支線都可以多點甜及生活趣事。「可能係阿牧同阿田喺公司茶水間、或屋企多啲嘢發生,就算好簡單嘅生活,大家應該都好想睇。」

即看更多活動靚相:

+13
發表評論...