林秀怡做餐廳侍應糊口 終於有女主角做：希望公司唔好唔要我
撰文：郭敏玲
出版：更新：
有人話TVB就好似一間學校，培育不少人才。不過，學有所成能否彈出？又是另一回事。好似25歲的林秀怡，17歲便加入TVB藝員訓練班，跑過龍套之餘，2012年憑着《怒火街頭2》的半裸演出，一度受到關注。隨後幾年都有不少演出的機會，雖然未必是主角，但至少有曝光機會。而今日她就為潘嘉德新劇《抱佣情人》試造型。
林秀怡一向都好搏，又捱得。今次有新劇開，她表示都會有性感演出，又會同陸永有鴛鴦戲水場面。（郭敏玲攝）
2010年當時得19歲的林秀怡拍處境劇《依家有喜》飾演秦沛和米雪女兒。
林秀怡過往演出都搏到盡，試過增肥20磅，又不惜半裸，受到不少監製的賞識，她說：「其實公司一直都有給我機會，但自己可能做得未夠好，所以觀眾未必留意到我。不過都要多謝監製潘嘉德，由我17歲開始就用我，用到現在。」林秀怡還表示希望日後有更多觀眾留意她，所以她就算瞓身演出都不介意。
除此之外，林秀怡出身單親家庭，現與媽媽同住並相依為命，更是家庭的經濟支柱。為幫補家計，曾一度要到餐廳做兼職，還被傳媒拍到。雖然現時沒有兼職，但她講到手頭緊時，間中都會到朋友經營的餐廳做兼職，「有時都真的要用錢，會問下他們可不可以讓我去餐廳幫下手，賺多少少。」林秀怡對這樣的生活表示習慣，沒有特別感到不開心。問到現時收入夠用嗎？她坦言：「掹掹緊。（大約幾多？）都有5位數字，夠屋企用嘅。」
林秀怡（右）以前是肥妹仔，經過多年努力，現在身形修長得多。
既然現時收入只夠糊口，為何林秀怡不轉行？她坦言：「其實都有諗過㗎，但始終個心都好想做戲，這是我想做的事。」雖然如此，林秀怡都有諗辦法去搵更多錢，嘗試與朋友夾份開西餐廳，「用晒我一直以來的積蓄㗎啦。」而她與友人會在旺角開餐廳，怕不怕租很貴？她說：「好在都是夾份，而且我只是夾少少，朋友佔的比例重啲，都係博下，唔博就無。」開餐廳確是後着，但林秀怡都希望可以繼續拍戲，「可以做幾耐就做幾耐，希望公司唔好唔要我。」
林秀怡17歲入行，講到拍戲可以去到幾盡，她說2012年在《怒火街頭2》的演出已經去到好盡。她在劇中飾演體內藏毒品的孕婦，還有半祼演出，令網民激讚。