花姐唔嬲周刊重提MIRROR情史? 「大家做之前諗下會唔會傷害人」

撰文:葉詩
出版:更新:

隨着電視劇《大叔的愛》爆紅,有周刊就重提劇中三子Edan(呂爵安)、Anson Lo(盧瀚霆)及Stanley(邱士縉)的過去戀事,在鏡粉間引起軒然大波,同日MIRROR經理人花姐在IG發布限時動態:「增加銷量有很多方法,你用的那種⋯⋯」又配以憤怒Emoji,不禁令人聯想兩者的關聯性。

花姐(左)接受《香港01》訪問。(陳順禎攝)

不過,花姐周五(16日)就重申Story提及字句與周刊無關,亦沒有對任何人不滿,她解釋:「其實MIRROR嘅Management同出面係有啲唔同,我哋好多時冇理外界點樣睇我哋,又好真實地將所有面貌畀大家睇,只係好努力做好自己又唔會爭啲乜。」花姐續言:「我唔開心嘅係因為MIRROR而家係熱話,所以就用佢哋做話題,我唔係介意,但我希望大家做呢一步之前諗下會唔會傷害到人,當娛樂圈大家一齊努力、有工開,點解要做啲唔關事嘅嘢去傷害任何人?」她以一間原本生意興隆的茶餐廳作例子:「點解突然要講裏面嘅菠蘿包唔好食,令到茶餐廳冇生意?」

全民造星IV︱花姐講明會加《延禧》劇情 戴穎接捧做女團經理人

全民造星IV︱KOL強勢參戰搏入女團 193親生妹郭嘉盈玩埋一份!

+14

問起花姐會否與MIRROR成員做心理建設,她笑言成員一早有心理準備:「舊聞到不得了,連登出咗90年,其實對藝人、粉絲都影響唔大。」花姐坦言多了人對MIRROR注目,的而且確令成員感到壓力,害怕令喜歡自己的人失望,而她作為經理人可以做的就是叫他們「做番自己」就好。

《全民造星IV》開放即場報名 近千少女排隊等見花姐場面墟冚

+19

談起李炘頤(Alina)在個人限時動態吐心聲:「到底一間公司可以有幾好,明知人地連飯都就嚟無得食,仲幫人推走晒啲job,又或者將個job比其他人。我覺得真係好amazing㗎。」這段文字引來不少猜測,亦有人指出猜疑是否與男友Stanley或是ViuTV有關,花姐直言不清楚事態:「我諗佢唔會咁樣⋯⋯雖然我唔知咩事,但我作為經理人都會幫MIRROR、ERROR推job,但當中一定有理由,可能唔適合佢、或者同其他job撞咗,所以要互相溝通,Alina應該唔係講緊自己。」

Stanley@MIRROR女友Alina怒斥公司推Job:人在做天在看

+25

MIRROR及ERROR近日雙雙晉升為炙手可熱男團,廣告、劇集、電影等邀約不斷,為本地演藝圈帶來新氣象之餘,亦成為名副其實的吸金王,問起是否開始由虧轉盈,花姐就說:「原本預計5年可以平手,而家可能唔使5年,賺錢就未,始終我哋投資真係好大,出活動12個人12套衫,訪問又不斷換衫,其實每一套都係錢。例如呢兩個月出8-9隻歌,使費真係好大,魯生係傻傻地,佢真係冇諗住賺錢,真係諗住畀錢你做好樂壇、令娛樂圈更蓬勃,佢睇嘢好長線,所以只係縮短咗平手嘅時間。」

發表評論...