ANSONBEAN準備推出首支單曲 和尚式特訓操爆蝴蝶背肌

撰文:陳栢宇
出版:更新:

陳毅燊(ANSONBEAN)參加《全民造星III》獲得季軍後決定暫時放下學業,追尋自己理想星途,一個20歲的大男孩,表面看似愛理不理的模樣,但其實ANSONBEAN對娛樂圈充滿熱誠與期盼。下周,ANSONBEAN的首支單曲即將發布,秘密練兵多時,他蓄勢待發:「今次首歌五月準備到而家,真係既興奮又刺激,到時會現場表演畀大家睇,希望大家鍾意。」

ANSONBEAN即將推出首支單曲。

ANSONBEAN自知是個新人,要經歷磨練才能成功,更深明在圈中要裝備自己的重要,經過半年的努力與堅持,ANSONBEAN一周五天艱辛的健身訓練終練出成果,一雙麒麟臂與完美蝴蝶背肌,非常煞食!他說:「有時都有練得辛苦嘅時候,我就會諗起有一個法國微生物學家講過一句『Chance favors only the prepared mind』(機會只是眷顧有準備的人),我覺得好有道理,所以當我操到好攰,就會諗起呢句說話,叫自己加油、努力!」

睇睇ANSONBEAN操成點:

除了鍛鍊大隻仔體形,ANSONBEAN認為健身更能鍛鍊其意志,他說:「其實我覺得做Gym係練意志力多過練身體,當我咁諗嘅時候就會練幾多都唔怕,感覺練到咁多嘢好似好抵咁,就唔會咁易放棄。做完Gym個人會清醒啲,因為好集中一樣嘢,做完個腦會清晰啲,感覺上冇咁罪疚感,好似做咗一個和尚咁。」ANSONBEAN又笑言跟朋友組織了一個「和尚天地」群組,跟幾個朋友仔一同分享討論有關健身的苦與樂,更不時互相騷肌展示成果,認真有趣!ANSONBEAN說:「目前有三個朋友,大家會互相傳啲相出嚟,互相督促,希望鼓勵身邊人都健康啲。」

又Cute又大隻,玩晒啦!

至於問到ANSONBEAN人生中,有曾經放棄過的事情嗎?他想了想說:「我放棄咗過英國讀書,原本我上年9月會去,都好呀,我唔想去㗎,因為嗰度好悶,加上我好鍾意呢一行,所以選擇留低。」