姜濤否認將與姚焯菲合作 Anson Lo獲神徒力撐派心:大家唔使擔心

撰文:鄺鈺瑩
出版:更新:
MIRROR與ERROR今午齊齊現身屯門商場活動。(葉志明攝)

人氣男團MIRROR同ERROR子今午一齊出席屯門商場活動,逾5千粉絲企滿3層樓,非常墟冚。中午12時左右,16子從3樓乘扶手電梯現身,期間不時揮手,引得全場粉絲瘋狂尖叫。

Anson Lo全程同Edan企埋一齊。(葉志明攝)

近日受負面新聞困擾的Anson Lo(盧瀚霆)現身後即獲「神徒」 高呼「盧瀚霆」打氣,雖然他有揮手作回應,但整個活動期間,Anson Lo都表現得略為嚴肅,大部份時間旁實呂爵安(Edan),二人又不時耳語。直到介紹Sound Bear禮品以及節目《力圖打排球》時,Anson Lo才有較多表情,而他在離場時,更大送心心予神徒。

Anson Lo與Edan 合體打排球。(葉志明攝)

Anson Lo與隊友接受訪問時,被問到心情如何,他表示:「大家唔使擔心,呢幾日大家都好多訊息同留言,大家都好關心、支持我,而家都係專注工作。同埋今日見到有咁多fans嚟,係好開心,感覺好似好耐無見大家,做節一樣,同埋感覺同fans距離好近,所以係好開心嘅一件事。」

Lokman同AK都表示好開心fans山長水遠去到屯門支持他們,並謂:「啲呼歡聲令到我哋到有少少耳嗚。」(葉志明攝)

至於有報道指姜濤將與對台的《聲夢傳奇》姚焯菲(Chantel)合作拍攝彭秀慧執導的電影,他就否認傳聞,但透露電影將在8月中開工,近日亦有學習演技,之後他被問到拍攝公司一系列運動比賽節目,是否打算以泳褲上陣,他說:「一如以往都係冬天衫。」而在旁的AK(江熚生)就話:「奧運嗰啲都係鯊魚戰衣,同埋呢啲都好講緣份,要露嘅時候一定會露, 唔使露嘅時候就盡量唔好,你睇我哋夏天30幾度都係長袖就知啦。」被問到兩台的奧運收視時,AK(江熚生)則謂:「不嬲都係堅持做自己,魯生係未?我哋老闆話係,ViuTV好嘢。」

離場時,「姜Son」一齊自拍。(鄺鈺瑩攝)
大批神徒為Anson Lo打氣。(葉志明攝)

點擊睇現場有幾熱鬧

+22
發表評論...