東京奧運｜朱晨麗最愛跳水皇后郭晶晶：佢落水冇水花相當精彩！

朱晨麗（朱朱）今晚（23/7）現身奧海城出席《全城齊睇東京奧運開幕禮》。朱朱表示：「其實我細個嘅時候都有諗過做運動員。係因為覺得自己細個嘅時候都有啲運動細胞，而且鍾意搬搬抬抬跳跳紮嘅一個人。（鍾意邊位運動員？）我好鍾意郭晶晶，而且好敬佩佢。係因為我本身怕水，同埋唔識游水嘅關係，係拍戲嘅時候試過要我落水，水深到胸口，我已經驚到有得震冇得瞓。所以我係好欣賞佢有咁勇氣跳落去，當然佢哋係專業。而且每次見到佢落水時冇水花，真係相當精彩。」