姊妹淘|吳若希假破冰真互數 蔡嘉欣喊住鬧︰你真係好賤格!

撰文:秦志鴻
出版:更新:

因為蔡嘉欣一句︰「真係以為自己係(《姊妹淘》)一姐呀」,吳若希(Jinny)與她的不和即使傳遍整個網絡,網民亦議論紛紛。為回應「不和傳聞」,Jinny特意邀請蔡嘉欣亮相自己的YouTube頻道做嘉賓,以「吳若希蔡嘉欣不和再度升級?破冰不成反互串!」為標題繼續炒熱「不和傳聞」,期間蔡嘉欣更一度淚灑當場!

原來係假破冰。(截圖)

片段中吳若希與蔡嘉欣澄清並無不和,Jinny笑言:「如果我哋兩個真係唔啱嘅話,你(蔡嘉欣)唔會喺我嘅YouTube Channel出現囉,佢唔值得喺度呀」,雖然二人的「不和」並非真實,但原來二人的「姊妹關係」亦建基於互嘲互數互揭秘密!Jinny提到她對蔡嘉欣的第一印象就是《香港小姐》,她對蔡嘉欣的評價是:「又唔係話特別有才華,笑得OK啦,靚囉。」聽畢後,蔡嘉欣又即時似讚若諷的反擊:「吳若希呢,係人未到,聲先到,未見到佢,但老遠就會聽到佢把聲,因為佢真係好大聲!同埋你畀我嘅第一印象都幾霸氣,講嘢又好少尾音,同你唔熟嘅人,你唔會做返啲假面具。」

吳若希:「蔡嘉欣遠睇都幾靚嘅,近睇就,哇,好醜樣呀!」(截圖)

之後Jinny繼續爆料,揭蔡嘉欣曾在自己面前激動落淚呻娛樂圈辛酸,笑言:「佢係嗰種喺出面就好似女強人,好堅強,返到背後就喊住話:『我覺得自己真係好委屈呀,我唔知可以點講,嗚嗚」,說著,蔡嘉欣不禁淚曬當場:「你真係好賤格囉!一啲憐憫之心都冇,人哋喊嘅時候就係咁,笑到勁大聲,真係好賤呀!」

點擊以下圖輯睇吳若希點整喊蔡嘉欣:

+12

不過蔡嘉欣亦不甘示弱:「我不滿吳若希嘅一個點係,佢講嘢勁大聲,成日笑人垃圾,其實自己一樣咁垃圾!得把聲,得個殼,但其實入面係垃圾囉!」繼而再揭吳若希對老公經常雙重標準,重提吳若希控訴老公打機課金,但原來Jinny自己都曾經玩手機遊戲狠課$4000!但當吳若希認衰之後,蔡嘉欣繼續乘勝追擊,狠批Jinny亳無大志:「睇新聞你會以為佢對事業好有鬥心,要憧憬爭做一姐,但佢真人令我好失望,畀返少少爭做一姐嘅格出嚟,力爭上游嘅決心得唔得?冇囉!勁Hea!呀唔係,係Relax,佢個節奏,Chill!」搞到吳若希勁尷尬!

套蔡嘉欣一句:「你當Jacquelin(莊思敏)係咩呀?」(截圖)

新聞回顧:《姊妹淘》主持不和實錄 蔡嘉欣明串吳若希:你以為自己係一姐?

點擊睇吳若希蔡嘉欣唇槍舌劍:

+29
發表評論...