反黑｜第二季終落實年底開拍 宋本中：60集製作費二億
撰文：鄺鈺瑩
出版：更新：
原本2018年開拍的《反黑》第二季，終於落實在今年11月開機，宋本中與陳國坤終於可以放下心頭大石。（受訪者提供）
由宋本中執導的《反黑》在YouTube上架後好評如潮，並成功吸引Netflix入手，當時宋本中已落實開拍第二季，無奈等足三年多都未有消息，而期間劇中的老戲骨如吳孟達、黃樹棠先後離逝，令不少劇迷擔心續集會否就此難產。
第二季有60集，單係劇本都有五稿，主要演員涉及百多人，攝製逾300人，宋本人要求所有工作人員開工前要接種疫苗。(受訪者提供)
不過，據悉《反黑2》終於扑鎚在年底開拍，宋本中接受《香港01》訪問時亦證實有關消息，並透露劇集由原定的32集增至60集，製作費接近二億，預計需時一年的拍攝時間，規模十分寵大。「本身有外國投資者，亦有真係有荷里活影帝，但因為疫情關係，我真係無辦法再等，所有嘢都要重新嚟過，包括投資、劇本、演員等等，係好可惜，但無辨法。」
由於疫情關係，宋本中表示已一年多未有與張耀揚見面，問到會否邀請對方出演《反黑2》，宋本中就話「努力爭取」。（微博圖片）
宋本中表示60集的劇本已經有齊，至於演員方面，他涉及百多人，說：「九成都係原班人馬，而家最頭痛係好多演員都喺國內開工，檔期上要互相遷就，不過都有信心嘅。另外亦都可以透露會有影帝同視帝級人馬參與，我同對方見面之後，佢都表示好有興趣。（觀眾最期待嘅張耀揚呢？）我只可以答你會努力爭取大家希望見到嘅演員啦，哈哈！」