華姐林宣妤主場奪「風情獎」 女神太完美：問我媽媽先知
撰文：郭敏玲
出版：更新：
「2017國際中華小姐競選」的16位佳麗進行賽前才藝表演，角逐「最佳才藝表現大獎」。來自吉隆坡的高質美女5號林宣妤，佔盡主場之利，簡直攞晒頭彩。一出場即獲全場掌聲，難怪她表現充滿自信，最後更奪得「馬來西亞風情獎」，同鄉果然有著數；不過另一後起之秀15號李珮儀使出必殺技，以性感打扮跳熱情森巴舞，穩奪「最佳才藝表現大獎」。
林宣妤出場時，身穿粉紅色女神裝，唱出輕鬆快歌「Best day of my life」。她今日心情超靚，司儀陸浩明問她：「點解你咁靚女同唱歌可以咁好聽嘅？」女神直線回應：「咁你要問下我媽媽先知喎！」反應極快。
林宣妤真係好Girlfriendable。(郭敏玲攝)
一個眼神已經...。(郭敏玲攝)
擺動姿勢都好好睇！(郭敏玲攝)
不過，似乎是甜美VS狂野。林宣妤就算是高質女神，都不及李珮儀的「來勢洶洶」搶鏡。李珮儀早前在泳裝拍攝時，以玲瓏身材嶄露頭角，今晚再以36吋上圍「空降」，大跳超性感的忘情森巴舞，全場拍手歡呼，實力也不容忽視。事後講到得獎感受時，她表示特意到巴西學跳森巴舞：「去過唔同地方表演，佢地都覺得我跳得唔錯。」她預告決賽會再跳森巴舞，「到時會再畀啲力跳舞，會再勁啲。（咁件衫會唔會再性感啲？）到時你咪知。」
李珮儀都好「兇狠」。(郭敏玲攝)
2號來自曼谷的汪雅妮的泰拳長腿look都好正。(郭敏玲攝)
9號李明子原來有朝鮮血統，大做韓星心心手勢。(郭敏玲攝)
林宣妤和李珮儀齊齊奪獎，個人覺得林宣妤真係好靚。(郭敏玲攝)
林宣妤好靚好靚好靚，好重要所以講足三次。(郭敏玲攝)