黃翠如未應承做洪永城仔女契媽：等啲人爭完先！
撰文：邱愛霖
出版：更新：
黃翠如爆在新劇會同高海寧狗咬狗骨。（梁碧玲 攝）
黃翠如、高海寧、鄺潔楹等人今日（5日）出席新劇《七公主》宣傳活動。黃翠如爆她戲中會同高Ling狗咬狗骨。「高Ling係我大妹。戲中我細個做咗啲對佢好大傷害嘅事，所以佢討厭咗我好多年。所以喺裡面逢親我同高Ling嘅場口，都係同佢嗌緊交，仲要係啲好狠毒嘅嗌交。」
《七公主》演員今日出席宣傳活動，鄺潔楹、徐榮、鄭子誠等一齊穿劍擊衫出席。(梁碧玲攝)
至於問最近有否與洪永城（Tony）見面，其懷孕中的太太梁諾妍（Inez）狀態如何，她表示上周曾與Tony及其家人見面，「上星期我同Tony同佢屋企人食飯。Inez狀態好好，佢本身運動員、教練嚟，狀態一定好過Tony。其實你唔係好覺佢個肚，因為佢有足夠工作、仲有運動，佢係個好靚嘅準媽媽。」她又透露，Tony有問過她是否想做契媽，「佢有同過我講嘅，照計都係㗎啦！但我知可能好多人爭，等啲人爭完先。話唔定佢開口問好多人呢！」