鄺潔楹自爆曾有豬膽鼻再被質疑整容：鼻係可以捏出嚟
撰文：邱愛霖
出版：更新：
Judy指自己靠減肥同捏高個鼻摵甩豬膽鼻。（梁碧玲 攝）
高海寧、黃翠如、鄺潔楹等藝人今日（5日）出席新劇《七公主》宣傳活動。鄺潔楹（Judy）曾多次被指入行前後樣貌有變，被質疑是否曾整容，她早前指拍片自爆入行前體重曾重達120磅，更有豬膽鼻，她今日再次否認有整容。
《七公主》劇中有不少劍擊元素。(梁碧玲攝)
「我係呢幾年慢慢瘦落嚟。同埋我希望透過我嘅故事話畀大家知，鼻真係可以捏出嚟嘅。因為我媽咪個鼻係高嘅，我就會諗，點解佢個鼻咁高，我咁矮，所以我唔忿氣，就成日用手捏高個鼻，加上我減肥，臉上啲肉都去減咗啲。」她再次澄清沒有整容，「冇使錢喺開刀度囉！但做Facial、啪骨嗰啲，我乜都試過晒㗎啦！」