港姐2021｜落選佳麗馬嘉希爸爸大有來頭 曾任華納音樂大中華CEO
撰文：吳子生
出版：更新：
《2021香港小姐競選》今日（6/8）於九龍灣健身中心舉行《We Miss Hong Kong晉級賽》星級特訓，同時大會並公布晉級20位佳麗名單，繼續爭取晉身決賽，角逐新一屆香港小姐殊榮。無緣晉級落選佳麗馬嘉希（Nicole)表示：「其實大會冇特別講解唔入選嘅原因，但明白比賽給終都要淘太人嘅。不過就冇失望嘅，係因為參賽都係諗住玩吓，攞吓人生經驗。（輸嘅原因係咩？）可能啲皮膚黑，哈哈！因為自己鍾意黑，所以我唔會為香港小姐而變白，其實我之前有白過，但我覺得唔似自己，因為我鍾意陽光嘅自己。」
馬嘉希未有心理準備做藝人。（陳順禎攝）
問到下屆會否再參選港姐？Nicole笑言：「我覺得一次夠，因為都好辛苦，但你要我節食做運動我都可以接受，但唔夠訓就會好辛苦，因為我要夠瞓嘅人嚟。但都好開心，係可以挑戰自己，估唔到每晚只係瞓得兩三個鐘原來係得嘅。（將來做唔做藝人？）暫時唔會，都知做藝人要承受大壓力，而且細過都聽唔少Daddy講娛樂嘅嘢，而且都有見過佢旗下嘅藝人點生存，所以做藝唔係一件容易嘅事。」
馬嘉希爸爸馬秀興大有來頭，原來曾任華納音樂大中華CEO。（陳順禎攝）