張頴康因為囡囡一句話，令吸煙多年的張頴康決心戒煙，他在網上宣布已成功戒煙一年：「以我呢個做任何事都會好大癮嘅人嚟講，我竟然戒到煙﹗」

張頴康吸煙多年，由傳統香煙到電子煙，一直心癮極大。去年8月囡囡小豆在他背囊拿出電子煙的煙蛋問是甚麼，並說：「我唔鍾意你吸煙呀！」令張頴康當頭棒喝決心戒煙。戒煙頭20日非常辛苦，標冷汗之餘，又試過拍劇時連幾句對白都記不到，多次想放棄，幸得家人支持，小豆每日貼一張貼紙給戒煙中的爸爸成為原動力。

「戒咗煙一年喇」張頴康於社交網興奮宣布好消息：「呢一年裡面，我都覺得好神奇！以我呢個做任何事都會好大癮嘅人嚟講，我竟然戒到煙，根本係冇可能發生嘅事！所以一定要多謝我老婆、小豆同小花生嘅支持，我先至可以做到呢件事！我記得有個前輩同我講過：「唔好同人講你戒咗煙幾耐，應該要同人講你根本就唔食煙！」戒多一年煙啦，我就會講呢句說話喇！因為到時做身體檢查之後保險費會平一半呀！（當然唔係因為保險費而戒煙啦！不過吸煙者嘅保險費真係貴一倍㗎）。」