方力申21年來首次畀錢剪頭髮：保守估計慳咗50幾萬港幣！

方力申剛完成東京奧運會採訪工作，因利成便未有隨大隊返港，留在日本旅遊好好放鬆。小方到處吃喝玩樂，瘋狂上載美食照令網友相當葡萄。小方更在當地做了一件21年來未做過的事﹗

點擊睇方力申在日本食啲咩同去咗邊：

方力申連日來瘋狂品嚐日本美食，運動員出身的小方狂食之餘亦有做運動，早上未到8點已經去游水。在東京逗留3星期，加上回港要隔離，小方按捺不住去剪頭髮，更爆出原來：「今次係21年來再自己畀錢搵髮型師剪頭髮。」原來因為方力申入行後一直有贊助，剪電染髮從不需要付款，更搞笑公開感謝髮型師：「我髮型師個Level剪個髮都要千幾蚊，所以我保守估計21年來慳咗50幾萬港幣，夠買架靚車！不過我都驚畀本身個髮型師鬧，因為如果個頭郁過，佢都會知！」