古天樂夥拍郭嘉駿出活動吸二百粉絲圍觀 大讚193有幽默感
撰文：陳芷穎
出版：更新：
古仔接受訪問時分享護膚心得。（梁碧玲攝）
古天樂（古仔）和ERROR成員郭嘉駿（193）今日（19日）現身銅鑼灣出席護膚品牌宣傳活動，吸引逾二百名粉絲撐場，人羣甚至企滿對面街商場二樓。193一出場，現場立即高呼「老公」，「好靚仔呀」，亦有粉絲親切稱呼古仔為「樂樂」。
古仔接受訪問時分享護膚心得：「護膚品緊要，但最重要係要有足夠睡眠，飲食均衡、飲多啲水。我係男性比較懶啲，一個產品集合晒唔同功能就最好。」至於會否有機會與193合作，古仔說要看劇本，亦讚對方有幽默感：「我哋都係演員，好被動，都要睇導演，最緊要有個好劇本，193都有幽默感。」
古仔讚193有幽默感。（梁碧玲攝）
「劍神」張家朗早前為香港奪下奧運金牌，古仔亦有發文祝賀對方，問到會否將家朗的故事搬到大銀幕，古仔表示：「咩題材都好，好似《媽媽的神奇小子》，要睇返個人物嘅背景、成長，最緊要睇導演同編劇嘅諗法，當然好嘅題材係要發掘。」
另外，今日（19日）是好友鄭秀文（Sammi）的生日，古仔透露上星期已跟Sammi和杜琪峯吃飯慶祝：「我今日都有短訊佢，祝佢生日快樂。」
古天樂和193現身銅鑼灣出席護膚品牌宣傳活動。（梁碧玲攝）