姚焯菲驚訝親筆簽名相網上放售300元：應該好好咁收藏！

姚焯菲（Chantel ）今日（28/8）現身灣仔會展出席「婚嫁品牌大賞」頒獎典禮。提到有網民在社交平台出價港幣$300元放售其親筆簽名相，Chantel表示驚訝：「其實我唔知道有呢件事。不過，我就希望粉絲佢哋自己Keep返呢啲相，因為如果我係一位粉絲嘅話，我都想收藏起嚟，有時候可以攞嚟睇返。而且可能好多年之後，再攞嚟睇返原來都有呢一日，咁所以我覺得係值得用嚟紀念。（會否覺得網友出價太低？）其實三百蚊好多。不過就唔希望粉絲出售有紀念價值嘅簽名相，應該好好咁收藏。」

點擊下圖觀看相關截圖，以及姚焯菲活動靚相：