七救星︱鄧洢玲七仙羽化身美人魚轉運　師傅傳授「美人魚七式」

「性感女性」鄧洢玲（阿旦）近年踩入飲食界開餐廳做老闆，可惜受疫情影響令各方面都不太理想，她現身ViuTV節目《七救星》尋求七仙羽（七師傅）幫忙轉運。師傅傳授「風水美人魚」招財大法給阿旦，更與阿旦齊齊化身美人魚下水，繼「七連閃電鞭」後，師傅再創出「美人魚七式」，雖然過程略顯狼狽，不過最終順利完成任務。

七師傅指要將「風水美人魚」的片段放在餐廳的財位就可以轉運，正當阿旦疑惑世上不會有美人魚時，師傅就主動提出將她打造成一條風水美人魚，更會陪對方一同完成任務。她們換上美人魚裝後變得行動不便，不擅水性的兩位起初顯得驚惶失措，師傅更一直捉着池邊不肯放手並高呼：「搞成咁幾核突」。

經過導師的指導後，兩位不單只能在水底睜開雙眼，更能做出飛吻等等的動作，連主持陳安立都讚歎師傅肯學和願意踏出第一步，而阿旦都被師傅的行為所感動。網民笑言每集就是為睇七師傅：「有仙女做嘅節目必定笑到碌地」、「究竟七師傅全盛時期有幾多七式絕招？」

點撃睇七師傅同阿旦化身「風水美人魚」：

同場加映

七救星︱陳婉婷求幫助搣甩妹仔命　七師傅傳授絕招「七連閃電鞭」