全民造星IV|1文睇晒96位參賽者 花姐望女團承繼MIRROR叫FLOWER?

撰文:葉詩
出版:更新:
三位阿妹未比賽已成傳媒焦點。(梁碧玲攝)

由ViuTV主辦的大型選秀節目《全民造星IV》今日(1/9)於九展舉行記者會,節目監製花姐、有「新花姐」之稱的戴穎、比賽導師許廷鏗及梁祖堯、評判當奴、鄭融及朱柏康等均有出席,陣容鼎盛,而重點當然是96位參賽者!今屆《全民造星》以打造「女團」為目標,當中有幾位更是圈中人的妹妹,例如余香凝妹妹余潔滢、193妹妹郭嘉盈、以及歐陽巧瑩妹妹歐陽巧霖。

方芷欣、夏子涓、阿Bee蘇家欣、Christine鄭嘉欣均為上屆《全民造星III》的參賽者。(梁碧玲攝)

作為《造星》監製的花姐(黃慧君)透露將會在總決賽之夜直接宣布女團的出道名單,雖然未決定出道名額,但今年與MIRROR不同的是出道位置將直接以名次決定:「我想《全民造星》可以成為一個有公信力嘅節目!」談起MIRROR、ERROR團名為相似格式,女團會否也承繼這格式,花姐就提議以Flower命名,令經理人戴穎面露難色,直呼「唔同意」。花姐指今年的參賽者質素是歷來最差:「差嘅原因係佢哋真係好細個,《造星I》都有個幾十歲嘅Lokman(楊樂文),佢哋本身已經好有經驗,今年好多學生,佢哋連點照顧自己都未知,諗一個表演就好難,而唔係話佢哋冇潛質。」

花姐又笑言:「一定會用賤格賽制淘汰佢哋!」(梁碧玲攝)

提起《造星IV》現階段已經出眾的參賽者,花姐就推介邱彥筒(Marf)、夏子涓、方芷欣(方方)。花姐又指最「難搞」的參賽者為陳祖兒(陳祖):「你見到佢個樣會覺得點解畀佢入,佢嚟Casting都騎呢,第二次Casting黑我面,但呢啲肯發聲、又好有自己表演諗法嘅年輕人係值得入,呢行做女團唔一定只係要靚。」經理人戴穎則推介年齡僅得16歲的曾家瑩(Ariel)、黃敏蕎(阿妹)及曾業喬(燒賣),喜歡3人「夠純真」。

96位參賽者一齊表演 。(梁碧玲攝)

一次過睇晒96位參賽者:

+142
你可能感興趣