【BIGBANG】無飛歌迷場外企櫈感受氣氛　散場混亂花兩小時離開

BIGBANG過往在港舉行演唱會都選址在亞洲博覽館，而今次就在啟德郵輪碼頭，是他們首個在港戶外騷之餘，亦是首隊在該處演出的藝人。

話得係戶外騷，可能大家會諗到好似去年黎明在中環海濱活動空間舉行的演唱會，普通市民可以坐在海濱長廊一帶或在鐵絲網中「睇」同「聽」免費騷。今次大會就在外圍蓋上黑布，但依然有fans拎摺椅到場，感受下氣氛。至於場內大會亦安排六個美食攤位俾粉絲醫肚，價錢中等，引來不少粉絲惠顧。而大家最關心嘅廁所，都未出現大排長龍情況！

但開騷到完騷安排甚為混亂的交通，相信係粉絲最關心問題。演唱會9點完騷後，現場有交通警維持秩序，有不少觀眾都選擇步行約20分鐘到碼頭外。另外，都可以選擇乘搭大會穿梭巴士到地鐵站。