姜濤深夜直播全程不作聲　吸引過萬姜糖捧場慰問：係咪唔開心呀？

姜濤近日殺入影壇，拍攝彭秀慧新戲《K風暴》，為此他更推掉大部分工作專心拍戲。為怕姜糖掛心，姜濤昨晚先在IG限時動態發文「大家今天過得好嗎」之後再開live。之不過，呢個直播，姜濤全程都冇出聲，加上口罩、漁夫帽以及在暗黑車廂中，所以其實連佢個靚仔樣都唔係好睇到，但係姜濤就是姜濤，8分鐘嘅直播吸引1.2萬人收看！

點擊睇直播畫面

直播期間，有姜糖留言問「做咩唔出聲」，亦有擔心問「係未唔開心」、不過姜濤始終都無作出任何回應，只係偶爾睇留言或者向鏡頭揮手。之後，佢應該係要準備落車返屋企，所以結束了直播。姜濤隨後再補發一張黑暗自拍照，並表示「謝謝大家陪我坐車，晚安」。