百萬擂台戰｜林作備戰拳賽指無需禁慾：不嬲對裕美都冇乜興趣！
撰文：吳子生
出版：更新：
林作今日（6/9）以嘉賓身份現身中環出席新歌發佈會。提到與鍾培生「百萬擂台戰」將於下星期六舉行，林作笑言無需禁慾備戰：「其實我不嬲都對裕美都冇乜興趣，所以佢都幾嬲我，不過，我就覺得咁樣都幾好吖，可以清心寡慾少少。（你咁樣對佢，佢會唔會好辛苦？）唔會，因為佢已經老喇，大家好似柏拉圖式戀愛。至於下星期嗰場拳賽，我而家係放鬆心情等夠鐘，咩嘢都準備好晒，上去兩分鐘就收工，第一回合就要Ko佢。其實我就冇咩秘密絕殺，主要係靠最強嘅身體去迎戰對方。」
林作笑言對裕美沒有性趣。（陳順禎攝）
林作表示未曾想過做歌手。（陳順禎攝）