梁朝偉被鄭裕玲踢爆曾豪言36歲退休 闊別電視圈33年出年將再拍劇

撰文:張嘉敏
出版:更新:

影帝梁朝偉 (偉仔) 近日頻頻為他首部主演的荷里活Marvel超級英雄電影《尚氣與十環幫傳奇》(Shang-Chi and the Legend of the Ten Rings)進行宣傳活動,上星期他就接受了鄭裕玲(Do姐)的訪問,而該段訪問於昨日(6日)在商台《口水多過浪花》節目中播出,偉仔除分享了今次拍Marvel電影的過程,還暢談自己拍戲生涯入面為人知的經歷。Do姐更爆料指偉仔早年曾豪言自己要在36歲退休,但卻一直堅持到現在依然戲約不斷,更進軍拍荷里活電影,現年59歲的偉仔卻笑言已經忘記自己當年有說過。

梁朝偉早前接受Do姐訪問。(Instagram:@do_do_cheng)

偉仔表示隨住自己年紀漸長價值觀亦有變,他目前並沒有退休時間表︰「開始嘅時候做演員好辛苦,諗法好極端,但唔係經歷嗰啲辛苦就唔會有今日嘅我,大個咗價值觀唔同咗,最近10年我個人輕鬆咗,想做咪去做。依家有興趣咪拍下嘢,我冇俾一個限制自己一定要拍咩,唔係冇諗住退休,但攰咪抖下囉,如果有好有興趣嘅嘢就做,始終係自己鍾意嘅嘢。」收回了退休宣言,又認為接戲都要講緣分。偉仔又預告將會重返闊別了33年的電視圈,他透露明年會飛往溫哥華拍攝電視劇,亦是他拍完無綫劇《俠客行》後,相隔33年後再次演出電視劇,相信一眾劇迷都十分之期待。

兩位昔日拍檔攬住敘舊。(Instagram:@do_do_cheng)

提到花了4個月拍攝《尚氣》飾演「文武」一角,偉仔直言與想像中不同:「想試吓同以前唔同嘅角色,但好頭痕,導演講係反派,但睇劇本又唔係,好多感情戲同人性化,唔係咁邪惡。同埋之前話唔使點打,但喺悉尼一開工就拍打戲,一日拍足10小時,冇放飯時間。因為我冇打嘅準備,所以同陳法拉、劉思慕喺廠度自己練,盡量親身上陣,太危險嘅導演就怕我受傷會冇人拍。日日都係咁,幾辛苦,好似以前拍劇咁。」他在另一個訪問中又表示用「十環」拍打戲,大部分時間都要靠想像力,幸好自己是睇《如來神掌》長大,加上拍過多部武打片,才能夠應付得到。

梁朝偉在《尚氣與十環幫傳奇》中有不少動作場面。(《尚氣與十環幫傳奇》劇照)
+15

點擊睇偉仔早前被野生捕獲靚相以及他的其他靚相:

+10
+15
你可能感興趣