周中師傅狠評本地煮食節目太濫唔專業：個個屋企阿媽都識煮飯
撰文：葉詩
出版：更新：
周中師傅近日孖孫兒周翱正參加ViuTV真人騷《甜爺爺》促進爺孫之情，師傅坦言：「見親面都一齊飲茶，不嬲同孫仔都好Friend！」以大廚身份聞名的周中師傅更不時親自下廚煮美食予孫兒，又透露其最喜歡吃咕嚕肉，孫兒更賣口乖指：「爺爺煮嘅全部都鍾意食！鍾意同爺爺玩多過返學！」
周中師傅近日孖孫兒周翱正參加《甜爺爺》拍攝，兩爺孫關係親密。（梁碧玲攝）
+3
翻看資料發現周中師傅近年鮮少出現在幕前，對上一個節目已經是有線在2015年播出之《神廚遇上女主播》，談起近來無綫（TVB）重整旗鼓主打煮食節目，師傅會否有意出山：「有適合嘅玩下都OK。」
周中師傅坦言有意出山再拍煮食節目。（梁碧玲攝）
孫仔周翱正真係好Cute：
+1
談起近來煮食節目盛行，作為元老級主持周中師傅就表示：「而家比較濫少少，唔係話咁專，個個屋企阿媽都識煮飯啦，冇咩特別囉。」師傅解釋指：「其實中餐料理係最多要求，中國大江南北咁大涉及好多菜系，每個地方做法都唔同，所以特別講究專業。」至於讓師傅推介一個有質素煮食節目，他就坦言：「我覺得冇乜，因為好睇嘅已經做曬；而家個個都諗盡腦汁去做，覺得個個都好似互抄咁。」