《後生仔傾吓偈》停播關C君事？曾志偉：佢梗係話唔關佢事啦！
撰文：吳子生
出版：更新：
曾志偉認為部份節目做得太耐，容易令觀眾睇到厭卷。（陳順禎攝）
組合農夫C君（鄭詩君）於9月1日宣布上任無綫J2台創意總監一職，未幾《後生仔傾吓偈》即宣告月底停播，不過C君火速劃清界線，表明這個決定與他無關，釐清自己職責只負責度橋，並沒有決定權主宰節目生死。
曾志偉今日出席港姐決賽記者會
今日（7/9）TVB副總經理曾志偉出席港姐活動時，就此事回應：「佢梗係話畀人聽話唔關佢事啦。（可能關你事！）哈哈！其實都冇乜所謂，我都有同監製大家傾過，就好似《流行經典五十年》咁，我返嚟就要停一停，但我知呢啲節目係好多人睇嘅，我哋只換一個模式之後再現，係因為有啲節目模式大家都睇得太耐，就好似《後生仔》都做咗8百幾集，有好多主題都講得七七八八，咁所以要再變一變。」
今屆大熱港姐陳聖瑜決賽前竟然眼傷，希望趕得切星期日決賽康復。
提到到間接拆散C君同陸永，曾志偉笑言：「唔會呀！陸永都會照做。不過C君要返工，陸永就唔使。其實我都好想搵埋陸永一齊，我識佢哋嘅時候，就係佢哋第一部戲。（你會畀咩位佢？）畀個前座佢，哈哈！前座慢慢先坐落後座，後座再坐樓上，係咪先呀！睇戲都係咁啦，無錢咪坐前座先啦！」