佘詩曼孖「小鮮肉」俄仔Ansheles拍廣告 自認鍾情熟男姊弟戀不了

撰文:陳栢宇
出版:更新:

佘詩曼最近有其代言的護膚品牌拍攝全新一輯廣告,近日密密做運動的她狀態大勇,如沐春風,夥拍俄籍網絡紅人Artem Ansheles,二人非常合拍。

拍攝當日撞正攝氏34度酷熱天氣,阿佘跟Ansheles在戶外場景同陽光玩足一日遊戲,期間他們要拍攝自拍靚相,阿佘更要為Ansheles塗眼霜;這個溫馨鏡頭背後,試位也試了不少次,只見阿佘似乎很不熟手,幸好最後有驚無險,冇「篤」親俄仔雙眼。

+2

阿佘表示:「平日自己搽Cream就多,幫人搽真係未試過,唔係好就手,所以都有要小心啲,始終女仔指甲好尖。」今次廣告客戶找來年輕Ansheles配搭,現實中又可會接受姊弟CP?她說:「感情世界相信年紀唔會最大問題,不過個人比較鍾情成熟穩重,令我好欣賞嘅人。」

講到最近在社交平台展示Fit爆身形,「佘腰」非常吸睛,阿佘表示:「稍後演出角色需要,所以趁有時間就努力努力,但做運動後發覺整個人精神狀態都好咗,自己都希望Keep住。」

阿佘真係好Fit。