幫緊你應援團︱Ian陳卓賢出現達成心願 玻璃骨女生斌琳:好激動

撰文:陳芷穎
出版:更新:

ViuTV全新綜藝《幫緊你應援團》由MIRROR成員楊樂文(Lokman)、邱傲然(Tiger)及王智德(Alton)夥拍岑樂怡(阿妹)組成應援團,接受各式各樣的委託,為主角完成夢想,送出驚喜,亦為廣大觀眾送上一些暖意。今晚(9日)的一集就講到Lokman與阿妹收到Cami的委託,為患有先天性成骨不全症(俗稱玻璃骨)的好友斌琳帶來驚喜,達成斌琳見偶像陳卓賢(Ian)的願望。

回想起拍攝當日的情況,斌琳依然非常興奮,她接受訪問時直言見到Ian的一刻內心十分激動。(受訪者提供)

回想起拍攝當日的情況,斌琳依然非常興奮,她接受《香港01》訪問時直言見到Ian的一刻內心十分激動:「雖然我嗰時嘅表現相對冷靜,好似嚇一嚇,但其實內心係好激動,我成個過程應該淨係識望住佢笑,唔識講嘢,講嘢又食晒螺絲。」作為一名「Hellosss」(Ian粉絲專稱),斌琳說最喜歡Ian的笑容和歌聲,而Ian的笑容亦陪伴她走過低潮:「佢唱歌真係好好聽,每次當我唔開心或者失意嘅時候,見到佢嘅笑容,唔開心嘅嘢就會即刻消失,佢嘅笑容有治癒人心嘅魔力。」

斌琳續指Ian的出現令她的生活變得有趣,更認識到其他粉絲朋友為她送上打氣說話:「Ian嘅出現令我嘅生活冇咁沉悶,佢係我第一個會課金嘅偶像,會買佢嘅周邊、出去打卡,同埋認識咗好多Hellosss。Hellosss好有愛,佢哋會畀好多鼓勵說話我同我打氣加油。」拍攝過後,Ian不但追蹤了斌琳的IG,更邀請她看《我是現場》演唱會,非常溫暖。MIRROR的出現為不同人賦予意義,正如Lokman所說,「生命真係可以影響生命。」

+4

同場加映

幫緊你應援團︱MIRROR將是這一代回憶 曾有偶像令90後瘋狂

+22
你可能感興趣