港姐2021 | 冠軍宋宛穎認問答環節失準 奪冠應承請打邊爐

撰文:邱愛霖
出版:更新:

《2021香港小姐競選決賽》於今晚(12日)在將軍澳隆重舉行,並由8號宋宛穎奪冠,15號梁凱晴及14號邵初則分別奪下亞軍及季軍。宋宛穎獲獎接受《香港01》訪問,承認問答環節表現失準,「我覺得比起上次準決賽,都未係做到最好。」

宋宛穎奪冠。(梁碧玲 攝)

宋宛穎透露,今晚只有婆婆到場,「我媽咪冇嚟嘅,我婆婆代替佢嚟咗。我頭先都冇見到佢,都唔知佢係邊度。我諗返到去佢哋都準備咗好多嘢畀我,慰勞我,因為我呢三個月都好努力Keep Fit。食少少應該都可以嘅。」但她不算刻意告知爸爸獲獎消息,「同佢都好多年冇聯絡,唔知佢今晚有冇睇我哋既騷,如果有睇,佢應該都會知。」

她應承可以請一班佳麗食飯,「有諗過話一齊打邊爐,好溫馨。」她又自認唱功未了得,未來希望挑戰做演員。

香港小姐2021紅地氈|炎明熹姚焯菲不怯場 陳楨怡謝嘉怡性感搶鏡

👇👇👇即睇各女星晚裝造型👇👇👇

上屆三甲!(梁碧玲攝)
+39
+10