滑冰女神馬曉晴最愛吃辣 未有興趣入娛樂圈反而有意進軍媒體
撰文：吳子生
出版：更新：
Maisy原來很喜歡吃辣。（梁碧玲攝）
香港花樣滑冰女神Maisy (馬曉晴)今日（14/9）現身旺角出席米線試食活動。講到食辣Maisy原來是食得辣之人，可以話無辣不歡，她說：「其實係我3歲嘅時候爸爸因為要工作，所以我就同家人搬咗去北京，咁所以嗰陣時喺北京住咗10年，而且口味都開始變咗少少，咁所以就好鍾意食當時嘅偏辣嘅地道小食，但13歲後我就去咗美國住，之後食辣就無以前咁勁。（揀男友需要有相同口味？）哈哈！呢樣嘢冇人問過我！其實多樣嘢一齊去食係好事，唔會為咗呢啲嘢嘈。」
馬曉晴同香港羽毛球代青伍家朗一齊出席活動。
被問到有否興趣加入娛樂圈？Maisy表示：「其實我上年20歲喺美國畢業返咗嚟香港，咁所以想喺呢兩年嘗試做自己想做嘅嘢，因為都鍾意媒體呢方面嘅嘢，除咗而家係教練之後，都係幕後製片人，加上開始做緊主持同拍攝工作，雖然咁忙但我都係好鍾意。」