晚吹戀講嘢|Naomi爆曾遭已婚導演「潛規則」 撩「食雪條」勁驚

撰文:張嘉敏
出版:更新:

由郭嘉駿193 @ERROR、鄭伊琪(浩南)、譚凱倫(Helen)以及郭奕芯(Ashina)主持的ViuTV節目《晚吹-戀講嘢》,昨晚播出第4集,今集請來了藝人Naomi(馮鎵瀠)做嘉賓。Naomi分享了她隆胸的前因後果,又大爆娛樂圈中的「潛規則」,講述自己被導演要求「食雪條」經過,講到繪影繪聲,話題相當大膽。

193與Naomi。(Naomi ig)

Naomi自爆當年她19歲時遇到的「潛規則」經歷,她表示有一位在她15、6歲時已經合作過的導演跟她說:「我準備開套戲有個角色好啱你,但係可能需要啲性感嘅,你得唔得閒吖?你上嚟 (我屋企) 睇個VCD。」結果Naomi真的上了對方家中睇VCD,而播放了一段時間後,對方便跟她說:「喂,其實我想呀。」Naomi直言不明白對方想表達什麼,誰知對方竟拉開褲鏈更在她面前掏出了下體。Naomi自言當時好驚,並問對方:「你唔係有老婆㗎咩?你點解咁嘅?」對方便說:「我老婆唔喺香港呀,你唔使驚呀。」Naomi隨即跟對方表示她想返屋企便離開了。

Naomi形象性感。(Naomi ig)

Ashina質疑她為什麼被對方邀約到屋企卻不覺得可疑,Naomi謂由於兩人之前已合作過,所以就放下戒心。193問三位拍檔主持:「如果只要「食個雪條」,就可以做到女二甚至係女一,你哋肯唔肯?」Helen坦言若這個情況發生在她身上,她會接受這個「潛規則」說:「好老實,我覺得大部分人都會有個價嘅 ......如果嗰下真係可以確定到我做完套戲出嚟一定紅嘅,我會做。如果可能有個機會畀我,佢又係掏出下體,而嗰個機會我覺得我呢一世人一定要搏嘅,為咗我自己嘅事業,我諗我會,講真,只係一次啫。」網民都紛紛留言讚Helen夠真夠坦白。

Naomi又笑言如果拍戲的男對手是謝霆鋒,她願意食導演的「雪條」。浩南就問193若有女導演要求他進擊「盤絲洞」來換取角色,他會如何抉擇?193坦言先決條件除了內涵外,對方亦必須要有樣貌有身材,他才會作考慮。有網民就留言問Naomi到底該導演是誰,又問她有否食對方的「芝士腸」,她親自回覆表示:「我唔係洋腸港女... 求介紹靚仔導演同電影公司老闆。」相當抵死。

Helen (左) 坦言願意食雪條。(影片截圖)

早已公開表明自己有隆胸的Naomi又自揭隆胸的原因,原來是她的前男友出軌。她形容當時男友出軌的對象雖然滿口「煙屎牙」,但因擁有豐滿上圍而迷倒她男友,Naomi感到深深不忿,於是決定去隆胸。她表示從沒有後悔做了這個決定,因為她隆胸後在事業與愛情方面的發展都比前順利。3位女主持亦紛紛表示曾經考慮隆胸,但Helen怕手術高風險,而浩南及Ashina就因為費用高昂而打消念頭。193則坦言他會較注重另一半的內涵而非身材。

Naomi多年前隆了胸。(Naomi ig)
+27