屯門酒樓活金魚做伴碟網友勁鬧 鼎爺：唔知佢事後點處理！
撰文：林通賢
出版：更新：
屯門一酒樓竟然用活金魚做伴碟。（網上圖片）
不少網民覺得悅明苑用金魚作裝飾太離譜。（Facebook截圖）
週六（28日）就過年，近日很多人都會到酒樓吃團年飯，菜式除了好吃更加要賣相靚，不過有酒樓為了「賣相」吸引，竟然想到用活金魚作為伴碟裝飾。最近有網民到屯門一酒樓吃晚飯，期間拍攝了一張餸菜相，表示唔記得拯救「佢哋」，何解食飯要拯救呢？原來該酒樓的節瓜瑤柱西蘭花，竟然找了一個碗仔裝了5條活金魚做裝飾，不少網民覺得酒樓此舉相當變態，覺得酒樓好無聊，不明白酒樓為了生意竟然這樣殘害小生命。
對於酒樓此舉，自小在酒樓長大的鼎爺表示：「視覺嚟啫！可能想有新鮮感啩？不過人哋做生意，我又唔知佢事後點處理，你哋問返愛護動物協會啦。」至於開海鮮小炒食店的前無綫藝員羅貫峰更直言，不同意酒樓的做法，他說：「我就未見過人咁做喇，gimmick唔係咁用㗎，啲人睇到都唔舒服啦，就算我食田雞粥，亦唔想見佢生勾勾喺將枱到啦。」
大家當然最關心金魚的生死，《香港01》亦致電酒樓查詢，酒樓職員表示金魚會放回「魚缸」飼養，「嗰個係《花開富貴》套餐，價值$3888，要貴賓廳先有金魚裝飾，（點處理啲金魚？）會放返落缸㗎，啲金魚唔會死，循環再用。」而專賣觀賞魚的賞魚閣發言人表示：「其實至少要有個氣泵，一碗水養住5條金魚仔，其實佢哋好危險。但就唔知酒樓會點處理。」希望酒樓真係諗過另外的伴碟方法啦！
不少網民都覺得酒樓這個做法好有問題，希望酒樓聽到各位的訴求。（Facebook截圖）
鼎爺就話未做過酒樓，所以不評論酒樓會點處理鳳爪。（資料圖片）
羅貫峰開的食肆亦有海鮮，不過他表示不會以活的動物作裝飾。（網上圖片）