「A0」游嘉欣自爆有人追 認難被男生打動：要唔介意花半年等我
撰文：葉詩
出版：更新：
無綫（TVB）綜藝節目《好聲好戲》播出後掀討論，周三（15日）宣布推出姐妹節目《好聲好戲之聲級學堂》為第二季預熱，游嘉欣為節目擔任星級配音員，更需為韓劇配音。談起入行3年的她近日在電視劇《青年心城》擔正做女一，游嘉欣就看得很輕：「純粹當係多啲對白嘅角色。」她又透露跟對手林正峰有很多愛情戲份，但現實中游嘉欣的愛情經驗為「A0」，拍起愛情戲她就表示不怕生疏：「雖然我未拍過拖，但好鍾意睇愛情小說同劇集，然後將自己代入角色，再用返喺拍攝上。」
游嘉欣周三出席《好聲好戲之聲級學堂》畢業禮。（陳順禎攝）
現年21歲、擁有甜美外表的游嘉欣被捧為湯洛雯接班人，記者禁好奇在學時期應該追求者無數？她承認：「都有啲人追嘅……（打動唔到你？）我鍾意穩重又思想成熟嘅類型，未必喺學校搵到，要大我5至10年左右。（想拍拖？）梗係想，始終人生有唔同經歷先可以成長，但又唔會話好急。」問起會否有男生為自己做過浪漫的事，她就表示自己很難會被感動：「愛情方面好難Hit到我內心。（未來男友點先會打動到妳？）我諗係日子同陪伴，我會希望對方有耐性、令我覺得自己喺佢心目中好重要，即係佢唔介意花半年至一年時間去等我，我就可能會感動接受。」
+1
+53