好友鍾舒漫庭外做訪問慘被陳潔玲騎劫 韓子亮:好冇禮貌!

撰文:吳子生
出版:更新:
TL今日現身老人院大派中秋月餅,為長者送上溫暖。(周倪瑩攝)

歌手韓子亮(TL)今日(16/9)現身荃灣出席老人院派月餅活動。TL表示:「今日我會派出一百個月餅畀啲公公婆婆,希望為佢哋送上溫暖,令到佢哋同我哋一樣可以開心咁過中秋。同時我亦會為佢哋唱出我其中一首新歌《抬頭吧》,希望一陣佢哋會鍾意啦!」

提到好友鍾舒漫(Sherman)早前同陳潔玲因合資做防疫產品而發生金錢糾紛,需要對薄公堂。而最終Sherman被判勝訴。不過庭後Sherman接受傳媒訪問時,被陳潔玲騎劫訪問,引起全城熱話。TL表示:「首先我係恭喜Sherman贏咗呢單官司,但對於陳潔玲騎劫咗Sherman嘅訪問,佢嘅行為係好冇禮貌嘅,不過我就唔想再喺呢件事上再發表任何嘢,亦唔會喺呢件事上回應其他事。」

發表評論...