洪永城已請假陪梁諾妍生B 透露太太身體狀況良好:健康嘅媽媽

撰文:陳芷穎
出版:更新:

洪永城(Tony)、陳楨怡、陳曉華,麥大力等人今日(17日)現身香港都會大學出席《知識新天地》節目啟播記者會,Tony指疫情期間工作模式的改變令他萌生讀AI課程的念頭,他接受《香港01》訪問時說:「將來data、coding會非常重要,如果冇返咁上下知識會好易俾人戲弄,甚至俾人控制,所以電腦course好重要。」

洪永城(Tony)、陳楨怡(Celina)、陳曉華,麥大力等人今日(17日)現身香港都會大學出席《知識新天地》節目啟播記者會。(周倪瑩攝)

Tony年尾即將成為爸爸,他透露太太梁諾妍 (Inez)身體狀況一切良好,不過就變得喜歡吃甜食:「愈嚟愈食得多甜嘢,我要鎖晒啲糖果、麵包,零食,不過佢都有節制,知道自己有啲脹,唔可以食咁多。So far全部嘢都好健康,有運動、慢跑,身體狀態唔會特別情緒、嘔吐,佢暫時係一個健康嘅媽媽。」

他續指朋友給了很多育兒書,為成為新手爸爸作好準備:「一有時間就睇少少,希望可以成為稱職嘅爸爸。」Inez的預產期為今年年尾,Tony透露已向公司請假:「預產期同埋聖誕嗰段時間,希望可以照顧老婆,陪伴住佢。」

Tony年尾即將成為爸爸,他透露太太梁諾妍 (Inez)身體狀況一切良好。(周倪瑩攝)

無綫(TVB)製作部非戲劇分部經理衞世輝今日(17日)因心臟病發在家中猝逝,曾參與對方不少綜藝節目的Tony深表惋惜:「同佢傾嘢嘅接觸少啲,聽所有同事講佢係一個好人,對工作好有熱誠,公司失去一個好熱心嘅同事,好可惜。」

點撃睇更多活動照片:

+9