【年初一大挑戰．有片】鄧月平單手打雞蛋 失敗有大懲罰……
撰文：何志衡
出版：更新：
鄧月平首部電影是賀歲喜劇，不過她說比較想拍的是動作片。
雞年又到，今年首次拍電影，就是賀歲片《小男人週記3之吾家有喜》演鄭丹瑞女兒的鄧月平（Larine），好想挑戰下自己，來到《香港01》接受雞年大挑戰，Larine更提議挑戰要同雞有關，不過接觸雞隻恐防會有禽流感喎，不如用雞蛋啦！
今次挑戰是Larine需要在30秒內用單手打10隻雞蛋，條件是要蛋黃完整；有挑戰當然有懲罰，如果雞蛋散開或者打唔夠10隻，Larine就要生吞蛋黃，真係唔知有雞先定有雞蛋先，但係Larine一定要飲咗先！
Larine在挑戰前好有信心會成功，「我好叻打雞蛋，成日喺屋企煎蛋；單手同雙手都一樣啫！」不過Larine知道若挑戰失敗要飲生雞蛋之後即縮沙，「我已經call定的士，輸咗即刻逃走。」逃避可恥亦唔一定有用呀！究竟Larine使唔使搭的士走佬，抑或挑戰成功？就要睇片至知！
鄧月平打蛋有點姐手姐腳。
Larine挑戰單手打10隻蛋，究竟做唔做得到？