愛回家｜劉丹中秋要開工拍劇 揭前新抱楊冪過時過節電話冇到
撰文：吳子生
出版：更新：
丹爺透露前新抱楊冪過時過節電話冇到。（梁碧玲攝）
劉丹（丹爺）今日（20/9）現身將軍澳電視城出席無綫處境喜劇《愛·回家之開心速遞》之「人月兩團圓」宣傳活動。提起可以和孫女小糯米過中秋玩燈籠，丹爺苦笑：「當日我要開工拍劇。不過，小糯米日前就約咗佢啲同學仔及家長一齊玩燈籠，仲影咗好多相畀我睇，佢哋真係玩得好開心。而佢嫲嫲已經計劃好晒，唔知聽日知會帶佢去邊度玩，總之佢哋係有節目。（小糯米爸爸喺內地工作未返港？）係呀。因為來回都需要隔離時間又長，咁所以得閒佢都唔敢返嚟。（前新抱楊冪過時過節有否電話到問候？）冇。唔好問呢啲喇，哈哈！」
丹爺透露中秋節要開工拍劇。（梁碧玲攝）