「TVB肌肉男神」楊潮凱夢想成真 升格做電影導演:一手一腳包辦

撰文:林迅景
出版:更新:

楊潮凱為無綫電視(TVB)藝人之一,修讀第23期藝員訓練班之後就獲監製戚其義和編劇周旭明的提拔,繼而參演劇集《天與地》,其後他亦有份參演《與諜同謀》、《不懂撒嬌的女人》、《使徒行者2》等,不過於城大創意媒體學院畢業的他不甘於只做藝人,早於幾年就開始計劃拍攝電影《喜歡妳是妳》,自己做導演加埋編劇,而他的作品亦即將完成,還獲邀參展香港亞洲電影節,認真威水!

2009年經藝員訓練班進入TVB,楊潮凱初期可謂十分拼命,無綫有五個錄影廠拍劇,試過五個廠都有他的通告,什麼茄呢啡角色都做,連續爆了四年騷。(IG@hoi1218)

楊潮凱接受《香港01》訪問時,表示現在《喜歡妳是妳》正處於後期製作階段,待預告片完成就即將份面投入宣傳工作。他透露,這套電影屬小本製作的本土電影,所以由構思到製作都幾乎要由電影團隊一手包辦,辛苦但十分享受:「全部嘢都係一手一腳同團隊一齊努力!」

《喜歡妳是妳》主演談善言和楊偲泳。(《喜歡妳是妳》劇照)

他說:「呢套戲主要係講兩個女孩子喺一間學校長大嘅故事,重點係探討佢哋中學時候相處嗰種曖昧關係究竟係愛情定係友情。呢個題材係比較少有,就算我以前讀書嘅時候,我都發覺身邊朋友都有呢個迷思。」

《喜歡妳是妳》在2018年開鏡。(資料圖片)

他表示,電影《喜歡妳是妳》的背後包含了大量實地考察,包括不同時下女校學生對於愛情的看法,以及訪問,其後才在這些真實故事上加以創作。他透露,前後花了差不多三、四年時間才完成了《喜歡妳是妳》這套電影:「今次主要投資係美亞公司,另外仲有夢想沙龍公司,仲有政府資助,之前我哋係申請『首部劇情片』計劃,之後再參加『綠燈行動』計劃,再之後就好好彩遇到美亞投資,你話自資就真係冇可能,自問就冇呢個能力。」

楊潮凱出過寫真,拍過戲,而家仲做埋電影導演。(IG@hoi1218)

楊潮凱畢業於香港城市大學創意媒體學院,其後與同學合作創作獨立影視作品後,更獲得了第三屆台灣金甘蔗影展「最佳男主角」獎。他說:「雖然大學唔係主修電影,但嗰時我已經十分鍾意睇戲,所以出咗嚟做藝員之後都覺得有嘢想拍,喺2015年就同個同學一齊寫劇本,後來就有咗呢個project。」

好期待!(《喜歡妳是妳》劇照)

對於他來說,電影導演是人生之中其中一個夢想:「我個人比較百厭,好多自己想法,嗰時都只係試,冇諗過真係搵到投資者,慢慢計劃慢慢試,其實我都幾享受中間個過程,雖然撞到好多板,但亦都學到好多嘢。我唔會甘於做一個演員,我另外都會做多啲崗位,所以我先會自己寫劇本。」

電影早前公布,《喜歡妳是妳》將於香港亞洲電影節首播。(網上圖片)

點擊下圖睇「TVB肌肉男神」楊潮凱靚相:

+38

點擊下圖睇《喜歡妳是妳》劇照:

+4

點擊下圖睇楊偲泳靚相:

+47
你可能感興趣