林芊妤帶埋囝囝上節目 經歷痛苦幾個鐘：佢全場跑控制唔到！
撰文：吳子生
出版：更新：
林芊妤今日帶同囝囝亮相香港開電視節目《世界零食開倉戰》。（周倪瑩攝）
林芊妤（Coffee)今日（27/9）以嘉賓身份攜同囝囝「伯伯」現身觀塘為香港開電視全新節目《世界零食開倉戰》錄影。Coffee表示：「今日講小朋友零食，咁所以我就帶埋囝囝嚟。但我經歷咗好痛苦嘅幾個鐘，係因為我估唔到佢會咁抗奮，相比以前帶佢出嚟做嘢時佢係好乖，同埋佢唔識搗亂，會靜靜地坐喺我隔離。但頭先我真係控制唔到佢，佢會全場跑。不過佢而家好乖咁坐喺度食緊晚餐，一陣佢7點半要瞓覺，所以佢而家係用緊後備電。」
林芊妤表示囝囝精力充沛走圍跑。（周倪瑩攝）