梅小青拒絕回巢TVB 總經理曾志偉：冇嘢傾唔掂，最緊要誠意
撰文：吳子生
出版：更新：
曾志偉今年1月強勢回歸無綫（TVB）出任副總經理兼行政委員會特別顧問，全面接管綜藝及資訊娛樂節目，上任短短八個多月屢創佳績，昨日（27日）極速獲委任為總經理（節目內容營運），並且全面負責TVB主要內容營運，包括各類內容（綜藝、合拍劇、音樂）的製作，以及節目採購及策劃，非常犀利。
能夠短時間內升職，志偉哥當然有自己的過人實力，立即點擊下圖睇佢奮鬥史：
+24
新任TVB總經理曾志偉今日（28/9）到電視城出席《2021粵港澳大灣區青少年短片大賽》記者會。曾志偉提到「升呢」時表示：「好多人都問我升咗有冇加薪？我就話有，加咗辛苦，升職加辛，辛苦個辛。哈哈！咁但係都係開心嘅。開心係所有功勞都係來自我哋TVB所有同事，只係我一個人係做唔到。」
總經理曾志偉希望做到全民皆兵。（梁碧玲攝）
曾志偉續說：「其實我返嚟係想做到全民皆兵，無論創作同演員，每個人都諗一啲自己嘅創作，然後上嚟搵我。而近日都好多藝人拍我門，話想做呢樣同個樣，係多咗好多新嘅題材，咁所以希望可以揀啲題材觀眾係鍾意。」被問到梅小青拒絕回巢一事，志偉表示：「冇嘢係傾唔掂，最緊要係誠意啫，不過我哋都係一路傾緊，而劉家豪都喺度，咁應該都有機會嘅。」
+1